Johann Herold

Zum Gedenken an unseren Modschiedler Dorfdichter Johann Herold der 1973 verstorben ist. Heute erinnert noch eine Gedenktafel auf einen Stein hinter dem Feuerwehrhaus an den Dichter. Seine Gedichte werden nur noch mündlich überliefert weswegen es auch sehr schwer ist diese zu sammeln. Dies haben wir uns jedoch zur Aufgabe gemacht um die Gedichte für die Gemeinschaft und auch für die Nachwelt zu erhalten. Die gesammelten Gedichte werden hier nach und nach eingestellt.
 

Dee Sunntogsbrotn

Knapp is manchmol des Essen,

is um amol gut bemessen,

frisst die Katz und a de Spitz,

who a scho dou, des is ka Witz.

Dou hot gemacht a Fraa an Brotn,

und hot go kans dezu eingelodn.

Ganz erlessna Tofelfreudn, wenn me sieht die könnt beneidn.

Und wie se sich zum Tisch will setzn,

kümmt Besuch, ze ihrm Entsetzn.

Schnell dut sie alles gut versteckn,

und nix is me ze entdeckn.

Besuch kümmt rei, und a der Hund,

und alla setzn sich im Rund.

Angstvoll tut die Fraa öft klatschn,

denn unterm Schronk, do höts sie's schmatzn.

Hund und Katz die dun sich gütlich,

doch om Tisch wird ungemütlich.

No endlich get de Besuch fot vem Plotz,

doch der Brotn, der wo für die Katz.

Denn des guta Mittouchessen,

hot Hund und Katz allah aufgfressn.

Des Reisig-Bündla

Kaner was nex vorzätrong

will ich amol a Sprüchla song.

Wenns a it net recht korrekt,

es is Modschiedler Dialekt.

Verfaßt hots uns a Heimatdichter,

des is a Schlack, a ganz verpichter.

Sein Noma will ich ungern nenna,

ich glab, es werd na mancher kenna.

Etz will ich Euch nuch weiter song,

wos sich amol hot zugätrong.

Do hot a Bäura Bündla ghackt,

schö gäbundn und ogäzwackt.

Wie sa fätich wor, socht sie zum Herrn

Ja, wenn sie ner net gstohln uns wern.

Des wer mer ober gor nit recht

die Leut sän heutzätoch su schlecht.

Der Herr socht nix, er hots gemacht,

das bald amol im Ofa kracht.

In an Knipfl hot er Pulver geto

und des Bündla ganz vorn no.

Ja, wer des nimmt und schürt mit ei

des sei Ofn fällt sicher ei.

Und er waas nochher ganz hoorklor,

wer der Bündles-Spitzbu wor.

Do drüba is die Zeit verrunna,

gor nimmer warm scheint mehr die Sunna.

Vergessen is der ganze Kram,

er tut sei Bündla selber ham.

Und o an koltn Wintertoch,

do tuts im Dorf an tüchtign Schloch.

Sei Fra, die trägt a Bündla rei,

schürt ei und legt an Knipfl nei

und ratsch-ti-bumm-ti-bumm

fliegt der Ofn durch die Stum.

Die Bäura ringt die Hend und rennt,

ach Gott, ach Gott, wenns ner net brennt.

Es is so kolt, wos fang ich o?

su socht sa und wos macht der Mo?

Der kümmt rei und grinst und lacht:

Des ho ich obä schö gämacht.

Es is halt immer wos dabei,

wer Falln aufstellt, kummt selber nei.